Ministria e Shëndetësisë ka shënuar Javën e Ushqyerjes me Qumësht Gjiri duke promovuar mesazhin se ushqyerja me gji është investimi më i mirë për shëndetin dhe zhvillimin e fëmijëve. Kjo fushatë ndërgjegjësuese synon të nxisë nënat dhe familjet që të mbështesin këtë mënyrë natyrale dhe të shëndetshme të ushqyerjes së foshnjave. Ushqyerja me qumësht gjiri ofron përfitime të shumta, duke ndikuar pozitivisht si në shëndetin e fëmijës ashtu edhe në atë të nënës. Ministria thekson rëndësinë e vazhdimit të kësaj praktike për të siguruar një fillim të shëndetshëm në jetën e fëmijëve.