Një studim i botuar në “Medicine & Science in Sports & Exercise” ka zbuluar se ushtrimet e moderuara fizike nuk ndikojnë në rritjen e oreksit. Në hulumtim morën pjesë 24 persona me mbipeshë, të cilët pas 45 minutash ecje të shpejtë ose ushtrimesh me pesha konsumuan pothuajse të njëjtën sasi ushqimi si në ditët kur nuk ushtroheshin. Studiuesit shpjegojnë se aktiviteti fizik mund të ndikojë përkohësisht në hormonet e urisë dhe metabolizëm, duke shtuar se njerëzit nuk duhet të kenë frikë se do të hanë më shumë pas stërvitjes. Megjithatë, ata theksojnë se reagimi mund të ndryshojë tek personat që ushtrojnë rregullisht ose bëjnë ushtrime më intensive.