Velipoja vazhdon të jetë një nga destinacionet më të preferuara për pushuesit vendas dhe të huaj edhe në ditët e fundit të gushtit. Plazhi i gjerë, pastërtia e detit dhe qetësia janë elementë të vlerësuar nga turistët, të cilët shprehen të kënaqur me qëndrimin dhe mikpritjen në këtë zonë bregdetare. Gjatë fundjavës së fundit të gushtit, vija bregdetare e Velipojës ishte e mbushur me pushues që shijuan temperaturat e larta dhe bukuritë natyrore të Adriatikut. Kryeministri Edi Rama publikoi në rrjetet sociale pamje dhe përshtypje nga pushuesit, duke theksuar zhvillimin dhe rregullimin e zonës që e bëjnë Velipojën një destinacion unik për pushime familjare dhe argëtim.