Vesa Vllasaliu ka reaguar fuqishëm ndaj komenteve negative në rrjetet sociale për peshën e saj pas lindjes së vajzës, të cilën e solli në jetë dy muaj më parë me futbollistin Mirlind Daku. Ajo theksoi se një grua që ka lindur nuk është “e trashë”, por është një mami që ka sakrifikuar dhe ka mbajtur një fëmijë në bark për 9 muaj. Vesa shprehu zhgënjimin e saj për faktin që shumë nga kritikat vijnë nga gra të tjera, duke theksuar se standardet e bukurisë në Instagram nuk përputhen me realitetin e nënave të reja. Reagimi i saj u prit me mbështetje të madhe nga ndjekësit, të cilët e përgëzuan për guximin dhe mesazhin e fortë për vetëpranimin dhe respektin ndaj trupit pas lindjes.