Ventoro Motors organizoi në Prishtinë një ngjarje të veçantë për të festuar 80-vjetorin e markës ikonë italiane Vespa, duke mbledhur adhurues, komunitetin Vespa dhe mysafirë të shumtë në një atmosferë plot stil dhe histori. Gjatë eventit u prezantuan modelet e reja Vespa 2026, përfshirë edicionin e kufizuar Limited Edition Vespa Horse, i cili tërhoqi vëmendjen me dizajnin dhe karakterin e tij unik. Ambasadori i Italisë në Kosovë dhe ambasadorja e Vespa-s në Kosovë morën pjesë me fjalime që theksuan lidhjen mes kulturës italiane, stilit dhe komunitetit të Vespa-s. Festimi përfshiu gjithashtu një giveaway me merchandise Vespa dhe kulmoi me prerjen simbolike të tortës, duke shënuar kështu vazhdimësinë e një historie 80-vjeçare të stilit, lirisë dhe emocionit mbi dy rrota.