Gjatë 24 orëve të fundit në Maqedoni janë regjistruar gjithsej 11 zjarre në hapësira të hapura, prej të cilave 10 janë shuar ndërsa një zjarr mbetet ende aktiv. Zjarri aktiv ndodhet në Komunën e Makedonski Brod, pranë fshatit Belicë, ku po digjen pyje të ulëta dhe të përziera. Zjarret e tjera janë shuar në vende të ndryshme si Saraji, Gjevgjelia, Struga dhe Veleshta, ku digjej kryesisht bimësi e ulët dhe kashtë. Autoritetet vazhdojnë të monitorojnë situatën për të parandaluar përhapjen e mëtejshme të zjarreve.