Në disa pjesë të Kosovës, përfshirë Podujevën dhe Prizrenin, reshjet e shiut janë shoqëruar me breshër dhe erëra të forta. Në fshatin Shajkoc të Podujevës dhe në Korishë të Prizrenit janë regjistruar rënie të breshërit, ndërsa rrugët janë mbushur me ujë për shkak të reshjeve të dendura. Pamjet e publikuara nga faqet lokale dhe Meteo Ballkan tregojnë intensitetin e motit të keq që ka përfshirë këto zona. Këto fenomene atmosferike kanë shkaktuar shqetësim në komunitetet lokale dhe kanë vënë në gatishmëri autoritetet për menaxhimin e situatës.