Në Shkup do të kryhet dezinsektim ajror kundër larvave të mushkonjave nesër më 10 korrik, në orët e hershme të mëngjesit. Nëse moti nuk do të jetë i favorshëm, spërkatja do të shtyhet për ditën tjetër, në të njëjtën kohë. Qyteti i Shkupit ka paralajmëruar bletarët që të marrin masat e nevojshme për të mbrojtur bletët gjatë këtij procesi. Kjo ndërhyrje vjen pas ankesave të qytetarëve për prani të madhe të mushkonjave në zona të ndryshme të kryeqytetit, pavarësisht dezinfektimeve të mëparshme.