E hëna do të karakterizohet nga mot i ndryshueshëm, me vranësira dhe intervale me diell gjatë pjesës më të madhe të ditës. Instituti Hidrometeorologjik i Kosovës parashikon shtim gradual të vranësirave, që në disa zona do të sjellin reshje lokale shiu dhe shkarkime rrufesh gjatë pasdites. Temperaturat minimale do të lëvizin ndërmjet 13 dhe 16 gradë Celsius, ndërsa maksimale do të arrijnë nga 26 deri në 29 gradë Celsius. Era do të fryjë nga drejtimi veriperëndimor me shpejtësi prej 1 deri në 11 metra në sekondë, ndërsa qytetarët këshillohen të jenë të kujdesshëm gjatë aktiviteteve në natyrë për shkak të mundësisë së stuhive lokale.