Më 2 gusht 2027, do të ndodhë eklipsi total diellor më i gjatë i shekullit të 21-të, gjatë të cilit drita e ditës do të zhduket për 6 minuta e 23 sekonda. Ky fenomen astronomik i rrallë do të jetë i dukshëm në vende të ndryshme si Spanja, Maroku, Algjeria, Libia, Egjipti dhe Arabia Saudite, duke tërhequr miliona entuziastë dhe turistë nga e gjithë bota. Gjatësia e jashtëzakonshme e eklipsit vjen nga një rreshtim i rrallë i Tokës, Hënës dhe Diellit, ku Hëna do të jetë relativisht afër Tokës dhe Toka në pikën më të largët nga Dielli, duke bërë që Hëna të mbulojë plotësisht Diellin për një kohë të gjatë. Egjipti do të jetë pika ku faza maksimale e eklipsit do të jetë më e dukshme, dhe gjatë këtij momenti dita do të shndërrohet në muzg, temperaturat do të bien dhe do të shfaqen fenomene optike të rralla si rruazat e Bailey-t dhe efekti i unazës së diamantit. Ekspertët paralajmërojnë përdorimin e syzeve të çertifikuara për shikim të sigurt gjatë gjithë fazave të eklipsit, përveç periudhës së errësirës totale.