Organizata e Kombeve të Bashkuara dhe Organiza Botërore Meteorologjike kanë paralajmëruar se fenomeni klimatik El Nino pritet të shfaqet me intensitet mesatar deri të fortë gjatë vitit 2026, duke rritur ndjeshëm temperaturat globale dhe duke shkaktuar mot ekstrem në shumë rajone të botës. Ky fenomen natyror karakterizohet nga ngrohja e sipërfaqes së oqeanit në Paqësorin qendror dhe lindor, që mund të zgjasë deri në nëntor dhe të ndikojë në reshje të dendura, thatësira dhe valë të nxehti në kontinente të ndryshme. Ekspertët paralajmërojnë se ndikimet do të jenë të mëdha në sektorin ushqimor, duke ulur prodhimin e kulturave bujqësore në rajone kyçe si Ekuadori dhe Afrika Perëndimore, dhe mund të shkaktojnë pasoja ekonomike dhe sociale të rëndësishme. Sekretari i Përgjithshëm i OKB-së, Antonio Guterres, e ka cilësuar këtë fenomen si një paralajmërim urgjent klimatik, duke theksuar nevojën për kalim më të shpejtë drejt energjive të ripërtëritshme për të përballuar sfidat që sjell El Nino.