Erëra të forta me shpejtësi deri në 20 m/s kanë përfshirë qytetin e Vlorës, duke shkaktuar rrëzimin e disa pemëve në zona si Transballkanika dhe lagjia “Lungomare”. Kjo situatë ka krijuar vështirësi në qarkullim për shkak të degëve të thyera dhe pemëve që kanë bllokuar rrugët, ndërsa forcat zjarrfikëse kanë ndërhyrë për të hapur rrugët dhe për të larguar pengesat. Për shkak të kushteve të motit, është pezulluar lundrimi detar për mjetet e vogla dhe ato të peshkimit deri në orën 22:00 të datës 8 maj, ndërsa autoritetet kanë paralajmëruar përkeqësim të kushteve hidrometeorologjike në Gjirin e Vlorës dhe det të hapur. Autoritetet kanë bërë thirrje për kujdes dhe gatishmëri të shtuar në aktivitetet detare dhe rrugore, ndërsa fatmirësisht nuk ka raportime për persona të lënduar.