Një stuhi me erëra të forta ka përfshirë komunën e Rahovecit, duke shkaktuar dëme në qytet dhe disa lokalitete të tjera. Drejtoria për Mbrojtje dhe Shpëtim, në bashkëpunim me ekipet emergjente, ka dalë menjëherë në terren për të vlerësuar situatën dhe për të nisur sanimin e dëmeve. Autoritetet nuk kanë bërë ende të ditur shkallën e plotë të dëmeve, ndërsa u kanë bërë thirrje qytetarëve të tregojnë kujdes dhe të shmangin lëvizjet pranë zonave të rrezikshme. Qytetarët janë udhëzuar të respektojnë rekomandimet e institucioneve deri në përfundimin e ndërhyrjeve në terren.