Erërat e fuqishme që kanë përfshirë disa zona të Kosovës kanë shkaktuar dëme të konsiderueshme, duke përfshirë edhe rrëzimin e një pjese të kulmit të një objekti në Suharekë. Pamjet e siguruara tregojnë momentin dramatik kur erërat e forta shkëputën dhe hodhën në ajër kulmin, duke rrezikuar seriozisht qytetarët që ndodheshin pranë ndërtesës në atë çast. Për fat të mirë, nuk raportohet për persona të lënduar, por moti i paqëndrueshëm me reshje të dendura shiu, breshër dhe erëra të forta ka shkaktuar probleme edhe në komuna të tjera të Kosovës. Institucionet kanë bërë thirrje për kujdes të shtuar dhe vigjilencë gjatë këtyre kushteve atmosferike të rrezikshme.