Edhe pse reshjet e shiut vazhdojnë, fluksi i qytetarëve nga Kosova drejt Shqipërisë mbetet i lartë, sidomos në zonat bregdetare ku shumë prej tyre kanë banesa ose prona. Gjatë 24 orëve të fundit, në pikën kufitare të Morinës janë regjistruar mbi 17 mijë persona dhe rreth 11 mijë automjete, duke treguar një rritje të vazhdueshme të lëvizjeve me afrimin e sezonit veror. Një qytetar nga Ferizaji shprehet se vizitat për fundjavë janë bërë rutinë, duke theksuar dëshirën për të kaluar pak kohë jashtë. Nga data 1 maj ka hyrë në fuqi marrëveshja për kalimin pa kontrolle të automjeteve me targa të Shqipërisë dhe Kosovës, që ka lehtësuar ndjeshëm kalimin në kufi dhe ka ndikuar në rritjen e fluksit.