Franca është duke u përgatitur për valën e pestë të të nxehtit që nga qershori, me 22 departamente të vendosura nën alarm portokalli për temperaturat që pritet të arrijnë deri në 40 gradë Celsius. Shërbimi kombëtar i motit “Meteo-France” ka paralajmëruar se rreziku nga zjarret do të mbetet i lartë në shumë zona gjatë ditëve të ardhshme. Kulmi i kësaj vale të nxehtit pritet të ndodhë në mes të javës, ndërsa reshjet e shiut të shtunën mund të sjellin një lehtësim të përkohshëm në pjesët lindore të vendit. Autoritetet janë në gatishmëri për të përballuar këtë situatë të përsëritur të temperaturave ekstreme që po përfshin Francën dhe pjesë të tjera të Evropës.