Instituti Hidrometeorologjik i Kosovës ka bërë të ditur se gjatë fundjavës moti do të jetë kryesisht me diell dhe me vranësira të pakta, kryesisht në zonat malore. Temperaturat minimale do të lëvizin nga 10 deri në 14°C, ndërsa maksimalet pritet të arrijnë deri në 33°C, duke sjellë një ngarkesë termike gjatë mesditës. Era do të jetë e lehtë deri mesatare, me shpejtësi 1-6 m/s nga veriu dhe verilindja. Kushtet biometeorologjike do të jenë përgjithësisht të favorshme, ndërsa kushtet agrometeorologjike mbështesin zhvillimin dhe pjekjen e kulturave bujqësore, megjithatë moti i thatë dhe temperaturat e larta rrisin nevojën për ujë, veçanërisht për perimet, misrin dhe pemëtoret.