Gjatë fundjavës pritet mot kryesisht i kthjellët me intervale dielli dhe vranësira të pakta, nën ndikimin e masave ajrore relativisht të qëndrueshme. Temperaturat do të jenë të larta, duke arritur deri në 33°C, gjë që mund të shkaktojë ndjenjë lodhjeje dhe shqetësime te personat më të ndjeshëm, sidomos gjatë orëve të mesditës. Kushtet biometeorologjike dhe agrometeorologjike do të jenë të favorshme për shumicën e popullsisë dhe për zhvillimin e kulturave bujqësore, ndërsa reshjet e pritshme javën e ardhshme parandalojnë rrezikun nga mungesa e lagështisë në tokë. Instituti Hidrometeorologjik rekomandon shmangien e ekspozimit të gjatë ndaj diellit në orët 10:00–16:00, veçanërisht për fëmijët, të moshuarit dhe punonjësit në ambiente të hapura, për shkak të indeksit të lartë UV.