Gjatë fundjavës së 29 dhe 30 gushtit pritet mot kryesisht i ngrohtë me temperatura që arrijnë deri në 34 gradë Celsius, megjithëse gushtit po i themi lamtumirë. Të shtunën do të ketë vranësira të dendura dhe reshje lokale shiu me shkarkime rrufesh, ndërsa era do të fryjë nga veriu dhe veriperëndimi me përforcime të përkohshme në zonat me stuhi. Të dielën moti do të jetë më i qetë, me diell dhe vranësira të pakta kryesisht në zonat malore, dhe temperatura maksimale deri në 33 gradë. Instituti Hidrometeorologjik i Kosovës paralajmëron që temperaturat e larta do të vazhdojnë edhe në fillim të shtatorit, duke këshilluar kujdes ndaj ekspozimit të gjatë në diell dhe monitorim të lagështisë së tokës në bujqësi.