Kjo javë filloi me ndikim të masave të ngrohta ajrore, por nga dita e mërkurë pritet një ndryshim i dukshëm me shtrirjen e masave të ftohta ajrore. Të enjten do të vijojë ndikimi i masave polare, duke sjellë mot kryesisht të vranët, reshje shiu dhe në zonat malore reshje bore, ndërsa temperaturat do të bien ndjeshëm dhe mund të shkojnë nën zero. Në disa zona të ulëta, përfshirë edhe Llapin, nuk përjashtohet mundësia e reshjeve të borës. Gjatë fundjavës moti do të përmirësohet me diell dhe vranësira, por temperaturat minimale do të mbeten negative në mëngjes, ndërsa era do të fryjë me shpejtësi të lartë nga verilindja.