Muaji gusht fillon me mot kryesisht të kthjellët dhe temperatura të larta në të gjithë Kosovën, sipas parashikimeve të Institutit Hidrometeorologjik të Kosovës. Temperaturat minimale do të lëvizin nga 11 deri në 16 gradë Celsius, ndërsa maksimalet pritet të arrijnë deri në 36 gradë Celsius, duke krijuar kushte të nxehta gjatë ditës. Gjatë fundjavës do të fryjë erë e lehtë deri mesatare nga drejtimet verilindore dhe veriperëndimore, ndërsa indeksi UV do të mbetet i lartë. IHMK rekomandon shmangien e qëndrimit të gjatë në diell gjatë orëve të mesditës dhe pasdites së hershme për të parandaluar efektet negative të nxehtësisë.