Në orët e para të 1 qershorit pritet të shfaqet fenomeni i njohur si “Hëna Blu”, e cila nuk do të jetë blu në pamje, por merr këtë emër për shkak të mënyrës së regjistrimit të cikleve hënore brenda vitit kalendarik. Kjo Hënë Blu është e dyta e plotë brenda të njëjtit muaj dhe njëkohësisht do të jetë edhe një “mikrohënë”, që do të duket më e vogël se një hënë e plotë normale për shkak të pozicionit të saj më të largët nga Toka. Fenomeni ndodh për shkak të ndryshimit në kohëzgjatjen e ciklit hënor, ku zakonisht kemi 12 hëna të plota në vit, por herë pas here shfaqet një e 13-ta, që quhet Hënë Blu. Ndryshe nga shprehja angleze “once in a blue moon”, kjo ngjarje nuk është aq e rrallë astronomikisht, ndërsa Hëna Blu sezonale e ardhshme do të shfaqet në vitin 2032.