Një valë e re të nxehti ka përfshirë rajonet qendrore dhe jugore të Italisë, duke shkaktuar temperatura ekstreme në nëntë qytete kryesore, përfshirë Romën, Palermon dhe Barin. Ministria italiane e Shëndetësisë ka shpallur alarm të kuq dhe ka paralajmëruar qytetarët, veçanërisht të moshuarit, fëmijët dhe personat me probleme shëndetësore, të shmangin daljet gjatë orëve më të nxehta të ditës. Turistët në Romë janë parë duke përdorur çadra dhe ventilatorë portativë për t’u mbrojtur nga dielli, ndërsa shumë kërkojnë freski pranë shatërvanëve. Ndërkohë, në Siçili vijojnë përpjekjet për shuarjen e zjarreve në pyje, me dy helikopterë të angazhuar për kontrollin e një zjarri pranë malit Gulino, afër Palermos.