Java që nis në Kosovë do të karakterizohet nga mot kryesisht i qëndrueshëm me diell dhe vranësira të pakta deri mesatare, pa reshje të hënën. Temperaturat minimale do të lëvizin nga 10 deri në 12 gradë Celsius, ndërsa maksimalet pritet të arrijnë deri në 29 gradë, me erë të lehtë nga veriperëndimi. Megjithatë, të martën pritet një ndryshim i motit me shtim të vranësirave dhe reshje lokale shiu të shoqëruara me shkarkesa rrufesh në disa zona. Kushtet agrometeorologjike do të jenë përgjithësisht të favorshme për kulturat bujqësore, megjithëse fermerëve u rekomandohet të jenë vigjilentë ndaj sëmundjeve kërpudhore pas reshjeve.