Kjo javë pritet të sjellë mot të ndryshueshëm, me periudha me diell dhe vranësira, ndërsa reshjet e shiut do të jenë të dobëta deri mesatare, kryesisht të martën, të mërkurën dhe vende-vende të premten. Temperaturat do të bien gradualisht gjatë mesjavës, veçanërisht ato minimale, që në disa zona mund të zbresin deri në 3°C, ndërsa maksimalet do të luhaten midis 15 dhe 23°C. Era do të ndryshojë drejtim nga jugperëndimi në fillim të javës në verilindje dhe veriperëndim nga mesi i javës, duke ndikuar edhe në kushtet agrometeorologjike që mbeten përgjithësisht të favorshme për kulturat bujqësore. Fermerëve u rekomandohet kujdes gjatë trajtimeve me preparate mbrojtëse, duke i kryer ato në periudha pa reshje dhe me erëra të dobëta, ndërsa cilësia e ajrit pritet të mbetet kryesisht e mirë deri mesatare, me rritje të lehtë të ndotjes në zonat urbane gjatë mëngjesit dhe mbrëmjes.