Ministria e Infrastrukturës dhe Transportit ka njoftuar se nesër do të ketë kufizime të përkohshme në qarkullimin e kamionëve me masë mbi 20 tonë në autostradë. Kufizimi do të jetë në fuqi nga ora 11:00 deri në 17:30, për shkak të temperaturave të larta që priten të arrijnë ose kalojnë 32°C. Në rrugët nacionale, rajonale dhe lidhëse nuk do të ketë kufizime për këto automjete, ndërsa përjashtohen nga kufizimi automjetet e organeve të rendit, shërbimeve emergjente dhe institucioneve shëndetësore. Ministria i ka bërë thirrje operatorëve dhe shoferëve të respektojnë këtë masë dhe të planifikojnë qarkullimin sipas orarit të përcaktuar.