Ministria e Infrastrukturës dhe Transportit ka vendosur sërish kufizime të përkohshme për qarkullimin e automjeteve mbi 20 tonë në autoudhë, për shkak të temperaturave të larta që pritet të arrijnë ose tejkalojnë 32 gradë Celsius. Kufizimi do të jetë në fuqi nga ora 11:00 deri në 17:30 dhe do të prekë vetëm autoudhën, ndërsa rrugët nacionale, rajonale dhe lidhëse do të mbeten të hapura për këto automjete. Përjashtim bëjnë automjetet e organeve të rendit, shërbimeve emergjente dhe institucioneve shëndetësore. Ministria u ka bërë thirrje operatorëve ekonomikë dhe drejtuesve të automjeteve që të respektojnë këtë masë dhe të planifikojnë lëvizjet në përputhje me orarin e përcaktuar.