Kompania Rajonale e Ujësjellësit “Mitrovica” ka njoftuar se me rritjen e konsumit të ujit gjatë sezonit veror po përballet me vështirësi në furnizimin e rregullt të zonave të larta. Për shkak të keqpërdorimeve të ujit të pijes, si ujitja e kopshteve, mbushja e pishinave dhe larja e automjeteve, KRU-ja ka vendosur të zbatojë masa rigorozë kundër përdorimit të paautorizuar të ujit. Konsumatorët që kapen duke përdorur ujin për qëllime të palejuara do të shkyçen nga rrjeti, pavarësisht nëse pagesat janë të rregullta dhe nëse uji matet me ujëmatës. Kompania u bën thirrje qytetarëve për përdorim të kujdesshëm dhe racional të ujit, duke e konsideruar atë një pasuri të përbashkët dhe burim jetik që kërkon përgjegjësi sociale dhe qytetare.