Ministria e Infrastrukturës dhe Transportit ka vendosur një kufizim të përkohshëm për qarkullimin e automjeteve të transportit të mallrave me masë mbi 20 tonë në autoudhë. Ky kufizim do të jetë në fuqi sot nga ora 11:00 deri në 17:30, për shkak të temperaturave të larta që pritet të arrijnë 32 gradë Celsius ose më shumë. Në rrugët nacionale, rajonale dhe lidhëse, qarkullimi i këtyre automjeteve do të vazhdojë pa kufizime, ndërsa përjashtohen nga kufizimi automjetet e organeve të rendit, shërbimeve emergjente dhe institucioneve shëndetësore. Ministria i ka bërë thirrje operatorëve ekonomikë dhe ngasësve që të respektojnë këtë kufizim dhe të planifikojnë qarkullimin në përputhje me orarin e përcaktuar.