Ministria e Infrastrukturës dhe Transportit ka njoftuar se më 31 korrik 2026 do të zbatohet një kufizim i përkohshëm i qarkullimit për automjetet e transportit të mallrave me masë mbi 20 tonë në autoudhë. Ky kufizim do të jetë në fuqi nga ora 11:00 deri në 17:30, për shkak të parashikimit të temperaturave të larta që pritet të arrijnë ose tejkalojnë 32 gradë Celsius. Në rrugët nacionale, rajonale dhe lidhëse, qarkullimi i këtyre automjeteve do të vazhdojë pa kufizime. Përjashtim nga ky kufizim bëjnë automjetet e organeve të rendit, shërbimeve emergjente dhe institucioneve shëndetësore, ndërsa Ministria i kërkon operatorëve dhe ngasësve të respektojnë orarin e përcaktuar dhe të planifikojnë qarkullimin në përputhje me këtë vendim.