Ministria e Infrastrukturës dhe Transportit ka njoftuar se nesër do të vendosen kufizime të përkohshme për automjetet e transportit të mallrave me peshë mbi 20 tonë. Kufizimi do të jetë i vlefshëm në autoudhë nga ora 11:00 deri në 17:30, nëse temperatura arrin ose kalon 32°C. Në rrugët nacionale, rajonale dhe lidhëse, qarkullimi do të vazhdojë pa kufizime, ndërsa përjashtohen nga ky kufizim automjetet e organeve të rendit, shërbimeve emergjente dhe institucioneve shëndetësore. Ministria u bën thirrje operatorëve dhe shoferëve të respektojnë orarin e përcaktuar dhe të planifikojnë qarkullimin në përputhje me masat e reja.