Ministria e Infrastrukturës dhe Transportit ka njoftuar se nesër do të zbatohet një kufizim i përkohshëm për automjetet e transportit të mallrave me masë totale mbi 20 tonë në autoudhë. Ky kufizim do të jetë në fuqi nga ora 11:00 deri në 17:30, për shkak të temperaturave të larta që pritet të arrijnë 32 gradë Celsius ose më shumë. Në rrugët nacionale, rajonale dhe lidhëse, qarkullimi do të lejohet pa kufizime, ndërsa nga masa e kufizimit përjashtohen automjetet e organeve të rendit, shërbimeve emergjente dhe institucioneve shëndetësore. Ministria u bën thirrje operatorëve ekonomikë dhe ngasësve të respektojnë orarin e kufizimit dhe të planifikojnë qarkullimin në përputhje me vendimin.