Ministria e Infrastrukturës dhe Transportit ka njoftuar se edhe sot do të vazhdojnë kufizimet për automjetet e transportit të mallrave me peshë mbi 20 tonë në autoudhë. Kufizimi do të jetë në fuqi nga ora 11:00 deri në 17:30, për shkak të temperaturave të larta që pritet të arrijnë ose tejkalojnë 32 gradë Celsius. Në rrugët nacionale, rajonale dhe lidhëse, kamionët do të qarkullojnë pa kufizime, ndërsa përjashtohen nga ky rregull automjetet e organeve të rendit, shërbimeve emergjente dhe institucioneve shëndetësore. Autoritetet kanë bërë thirrje për respektim të kufizimeve dhe planifikim të kujdesshëm të qarkullimit nga operatorët ekonomikë dhe drejtuesit e mjeteve.