Ministria e Infrastrukturës dhe Transportit ka vendosur kufizime të përkohshme për automjetet e transportit të mallrave me peshë mbi 20 tonë në autoudhë, duke ndaluar qarkullimin nga ora 11:00 deri në 17:30. Ky vendim është marrë për shkak të parashikimeve për temperatura të larta, mbi 32°C, që mund të ndikojnë në sigurinë e rrugëve. Në rrugët nacionale, rajonale dhe lidhëse, qarkullimi i këtyre automjeteve do të vazhdojë pa kufizime. Përjashtim bëjnë automjetet e organeve të rendit, shërbimeve emergjente dhe institucioneve shëndetësore, ndërsa Ministria i ka kërkuar operatorëve dhe ngasësve të respektojnë oraret dhe kufizimet e vendosura.