NP “Parqe dhe gjelbërime” në Shkup ka paralajmëruar qytetarët për mot të paqëndrueshëm, që pritet të sjellë reshje të dendura shiu, bubullima dhe erëra të fuqishme. Për të shmangur dëmet, autoritetet rekomandojnë që të mos parkohet nën pemë dhe të evitohen qëndrimet pranë vegjetacionit të lartë, për shkak të rrezikut nga rënia e degëve apo pemëve. Në rast të dëmtimeve të shkaktuara nga moti, si pemë të rrëzuara apo degë të thyera, qytetarët duhet të kontaktojnë menjëherë numrin emergjent 112 ose shërbimet e NP “Parqe dhe gjelbërime”. Apeli i institucioneve është që të respektohen këto masa për të garantuar sigurinë personale dhe të pasurive.