Ministrja në detyrë e Mjedisit dhe Planifikimit Hapësinor, Fitore Pacolli, ka bërë thirrje për kujdes maksimal ndaj rrezikut të zjarreve në pyje dhe hamullore gjatë sezonit veror. Ajo theksoi se temperaturat e larta dhe tharja e bimësisë rrisin ndjeshëm rrezikun e zjarreve, të cilat shkaktojnë dëme të mëdha në pyje, biodiversitet, tokë dhe cilësinë e ajrit. Pacolli u bëri apel qytetarëve të mos djegin hamullore dhe mbetje bujqësore, të mos ndezin zjarre në natyrë dhe të raportojnë menjëherë çdo vatër zjarri për të parandaluar përhapjen e flakëve. Ministrja nënvizoi se mbrojtja e mjedisit është përgjegjësi e përbashkët dhe çdo veprim i vogël nga qytetarët ndihmon në ruajtjen e natyrës dhe ekuilibrit natyror.