Meteorologët evropianë paralajmërojnë formimin e një "kupole të nxehtësisë" gjigante që po mbulon Evropën dhe pritet të shkaktojë valë të forta të të nxehtit me temperatura që mund të arrijnë deri në 45°C. Ky fenomen ndodh kur një sistem i fuqishëm presioni të lartë bllokon qarkullimin e ajrit, duke mbajtur nxehtësinë të përqendruar në një zonë për periudha të gjata. Valë të nxehtit do të godasin fillimisht Spanjën, Portugalinë, Francën dhe Italinë, përpara se të përhapen në pjesë të tjera të kontinentit, përfshirë edhe Ballkanin ku priten temperatura mbi 30°C dhe në disa zona mbi 35°C. Ekspertët paralajmërojnë rreziqet nga thatësirat, zjarret pyjore dhe problemet shëndetësore, duke këshilluar qytetarët të shmangin ekspozimin e gjatë në diell dhe të kujdesen veçanërisht për grupet më të ndjeshme.