Pasditen e së premtes, rreth orës 18:26, një tërmet me magnitudë 3.6 ballë u regjistrua pranë qytetit të Gjirokastrës, me epiqendrën në një thellësi prej 5 kilometrash. Lëkundjet u ndjenë fort në jug të Shqipërisë, por fatmirësisht nuk shkaktuan dëme materiale apo persona të lënduar. Sizmologët theksojnë se kjo magnitudë është e zakonshme dhe nuk paraqet rrezik për banorët, duke e konsideruar këtë tërmet si një mënyrë natyrore për të çliruar energjinë e grumbulluar nga fërkimi i pllakave tektonike. Megjithatë, pavarësisht mungesës së dëmeve, ngjarja shkaktoi pak panik tek banorët e zonës.