Një masë e ftohtë ajrore me origjinë nga lindja ka përfshirë të gjithë Ballkanin, duke sjellë ulje të temperaturave dhe reshje shiu gjatë ditës së sotme dhe të nesërme. Meteorologia Anira Gjoni thekson se kjo situatë nuk është e pazakontë për këtë periudhë, edhe pse korriku zakonisht karakterizohet nga temperatura të larta. Pas një përmirësimi të përkohshëm të motit të enjten, kushtet e paqëndrueshme pritet të rikthehen të premten. Ndërsa Ballkani përballet me këtë masë të ftohtë dhe të lagësht, pjesa tjetër e Evropës, përfshirë Spanjën, do të përjetojë një valë të nxehti.