Të premten parashikohet mot me diell dhe vranësira të pakta gjatë mëngjesit, ndërsa pasdite dhe në mbrëmje priten zhvillime të vranësirave që mund të sjellin rrebeshe lokale shiu dhe shkarkesa rrufesh. Era do të fryjë nga drejtime të ndryshme dhe në zonat me zhvillime konvektive do të shfaqen stuhi të lehta me shpejtësi prej 15 deri në 65 km/h. Temperaturat minimale do të jenë midis 16 dhe 20°C, ndërsa ato maksimale do të arrijnë deri në 36°C. Në zonat ku do të ketë reshje, temperaturat do të ulen ndjeshëm, duke zbritur përkohësisht rreth 20°C.