Moti i keq që ka goditur Greqinë gjatë 48 orëve të fundit, me reshje të dendura shiu, ka shkaktuar përmbytje të mëdha në ishullin Poros, ku janë përmbytur mbi 25 shtëpi dhe disa depo. Një urë kryesore në zonën Askeli pranë Panagitsës është shembur për shkak të presionit të madh të ujit dhe materialeve të sjella nga rrjedhat e lumenjve. Përveç dëmeve materiale, dy automjete të parkuara janë marrë nga uji dhe janë përplasur në det, fatmirësisht pa pasagjerë brenda. Zëvendësministri i Krizave Klimatike, Konstantinos Katsafados, ka vizituar zonat e prekura për të vlerësuar situatën dhe për të koordinuar ndihmën e nevojshme.