Pak orë para ndeshjes së shumëpritur mes Brazilit dhe Marokut në Grupin 3 të Kupës së Botës 2026, reshjet e dendura në New Jersey kanë ngritur shqetësime për zhvillimin normal të sfidës. Organizatorët monitorojnë me kujdes kushtet atmosferike në stadiumin MetLife, ku rregullat amerikane kërkojnë ndërprerje të menjëhershme në rast të rrufeve brenda një rrezeje prej 12.8 kilometrash. Nëse kjo ndodh, futbollistët dhe tifozët duhet të largohen dhe të presin të paktën 30 minuta pas goditjes së fundit të rrufesë para rifillimit të ndeshjes, duke rrezikuar vonesa të konsiderueshme. Situata mbetet në vëzhgim, ndërsa të gjithë presin nëse moti do të ndikojë në këtë përballje të rëndësishme të Botërorit.