Moti i ligë që ka përfshirë rajonin e Gjakovës ka shkaktuar dëme materiale në disa zona, duke përfshirë rrëzimin e drunjëve dhe dëmtimin e shtyllave elektrike në fshatrat Gërgoc dhe Cërmjan. Policia e Kosovës, përmes zëdhënëses Vlera Krasniqi, ka njoftuar se njësitë relevante kanë dalë menjëherë në terren për të vlerësuar situatën dhe për të ofruar ndihmën e nevojshme. Shërbimet emergjente komunale janë njoftuar dhe po punojnë në bashkëpunim me policinë për të siguruar që rrugët në zonë të mbeten të qarkullueshme. Aktualisht, situata po monitorohet nga afër për të parandaluar përkeqësimin e dëmeve dhe për të garantuar sigurinë e banorëve.