Të mërkurën në Kosovë pritet një mot i paqëndrueshëm me alternime dielli dhe vranësirash, ku herë pas here do të ketë rrebeshe lokale shiu dhe breshër me diametër të vogël. Këto reshje do të shoqërohen me shkarkesa rrufesh, disa prej të cilave mund të jenë të fuqishme, duke sjellë edhe rrezikun e vërshimeve të shpejta në zona me vranësira që lëvizin ngadalë. Era do të fryjë nga veriu me shpejtësi nga 20 deri në 60 km/h, duke u forcuar veçanërisht në rajonet me zhvillime konvektive. Temperaturat minimale do të jenë ndërmjet 16 dhe 18 gradë Celsius, ndërsa maksimalet do të arrijnë nga 27 deri në 30 gradë, me ulje të ndjeshme gjatë periudhave me reshje.