Java e ardhshme në Kosovë do të karakterizohet nga mot i ndryshueshëm me alternime mes vranësirave, intervaleve me diell dhe reshjeve të herëpashershme të shiut. Të martën priten riga lokale shiu në disa zona, ndërsa dita e premte do të sjellë reshje me intensitet mesatar deri të lartë, që në disa rajone mund të jenë të përqendruara dhe të shoqëruara edhe me reshje bore në zonat malore. Temperaturat minimale do të lëvizin ndërmjet 0 dhe 3°C, ndërsa ato maksimale do të variojnë nga 5 deri në 16°C gjatë javës, me rënie të dukshme të premten. Era do të fryjë kryesisht nga drejtimi verilindor dhe veriperëndimor me shpejtësi nga 1 deri në 9 m/s.