Të dielën në Kosovë pritet mot pjesërisht i vranët me intervale me diell, ndërsa pasdite vonë dhe në mbrëmje do të ketë reshje të izoluara shiu. Në zonat malore të larta do të ketë edhe reshje afatshkurtra bore. Temperaturat do të luhaten nga 1°C në mëngjes deri në 17°C gjatë ditës. Në Shqipëri priten më shumë vranësira dhe reshje shiu, sidomos në jug të vendit, ndërsa në Mal të Zi, Maqedoninë Veriore dhe Luginë të Preshevës reshjet do të jenë të pakta dhe të izoluara. Fillimi i javës së re do të sjellë kushte më pak stabile atmosferike me rrebeshe dhe riga shiu kryesisht në pjesët jugore dhe qendrore të Shqipërisë, por reshje të pakta do të ketë edhe në disa zona të tjera. Temperaturat nuk do të pësojnë ndryshime të mëdha.