Të martën në Kosovë pritet një mot kryesisht me diell në mëngjes, por gjatë ditës dhe mbrëmjes vranësirat do të shtohen duke sjellë rrebeshe shiu, breshër dhe shkarkesa rrufesh, disa prej tyre me intensitet të fortë. Në momente të caktuara, këto zhvillime mund të marrin karakter shtrëngatash, duke mos përjashtuar mundësinë e vërshimeve të shpejta në disa zona. Era do të fryjë me shpejtësi deri në 80 km/h, veçanërisht në zonat me zhvillime konvektive ku priten stuhi të fuqishme. Temperaturat do të luhaten nga 17 deri në 34 gradë Celsius, ndërsa indeksi UV do të jetë i lartë gjatë mesditës, ndaj rekomandohet shmangia e ekspozimit të gjatë në diell dhe përdorimi i masave mbrojtëse.