Sot në Maqedoninë e Veriut pritet një mot me diell dhe vranësira të lehta lokale në mëngjes, ndërsa gjatë ditës do të ketë vranësira të ndryshueshme dhe shira të rastësishëm lokalë. Në pjesët juglindore mund të përfshihen edhe shira të rrëmbyeshëm afatshkurtër me bubullima të rralla. Era do të jetë kryesisht veriore, me shpejtësi mesatare deri të fortë, duke arritur në disa vende deri në 60 kilometra në orë. Temperaturat maksimale do të variojnë nga 13 deri në 20 gradë, ndërsa në Shkup moti do të jetë i ndryshueshëm me periudha me diell dhe mundësi për shira të lehtë pasdite, me temperaturë deri në 19 gradë.