Të dielën pritet mot kryesisht me diell dhe temperatura të larta që mund të arrijnë deri në 34°C në Kosovë. Pasdite, në disa zona të izoluara do të zhvillohen vranësira që mund të sjellin reshje shiu dhe stuhi afatshkurtra, duke shkaktuar ulje të përkohshme të temperaturave në zonat e prekura. Era do të fryjë nga verilindja me shpejtësi të lehtë deri mesatare, ndërsa gjatë stuhive priten hovë më të fuqishme të erës. Për shkak të temperaturave të larta dhe rrezatimit UV, personat me sëmundje kronike, të moshuarit dhe fëmijët këshillohen të kufizojnë aktivitetet në ambiente të hapura gjatë orëve më të nxehta të ditës.