Shqipëria do të vazhdojë të jetë nën ndikimin e masave ajrore të qëndrueshme dhe të nxehta gjatë ditës së premte. Moti do të jetë kryesisht i kthjellët në shumicën e territorit, ndërsa në zonat malore të veriut dhe lindjes do të ketë vranësira të pakta deri mesatare kalimtare. Reshjet e shiut priten të jenë të dobëta dhe të përqendruara në formë pikash në veri dhe verilindje, kryesisht nga mesdita deri në pasditë. Era do të fryjë me drejtim veriperëndim-perëndim me shpejtësi mesatare 6 m/s, ndërsa në bregdetin jugor era do të arrijë deri në 10 m/s, duke shkaktuar valëzim të lehtë në det me forcë 1-2 ballë.